سجاول ڀرسان ڳوٺ موسي لوٺيو جي رھواسي آپڪا اڳواڻ سومار لونٺيو جي گھرواري 5 ٻارڙن جي ماءُ کي جوابدارن پاران زيادتي جو نشانو بنائڻ واري واقعي جو 4 جوابدارن خلاف ڪيس داخل ڪرڻ بعد سجاول پوليس 2 جوابدارن اسلم ۽ امين لونٺيو کي گرفتار ڪري ورتو جڏھن ته باقي 2 جوابدار اڃا تائين گرفتار نه ٿي سگھيا آھن ۽ ناري جي طبي رپورٽ پڻ اڃا تائين جاري نه ڪئي وئي آھي جنھن خلاف آپڪا جي ڪارڪنن بچل لغاري جي اڳواڻي ۾ ڊسٽرڪٽ ايجوڪيشن آفيس ۾ ڪم ڇڏ ھڙتال احتجاجي مظاھرو ڪيو اڳواڻن عمر ميمڻ، بچل لغاري، عزيز ٻاگھل، صديق ھٿيار ۽ ٻين چيو ته آپڪا اڳواڻ جي گھر واري سان زيادتي ڪندڙ سمورن جوابدارن کي فوري طور گرفتار ڪري سخت سزا ڏياري وڃي ۽ اسپتال انتظاميا جلد ناري جي ميڊيڪل رپورٽ جاري ڪري

ٻي طرف ناري جي مڙس سومار لونٺيو دانھيندي چيو آھي ته زيادتي ڪندڙ جوابدارن ۽ سندن رشتيدارن اسانجي گھر ٻاھران کڏا ھڻي رستا بند ڪري ڇڏيا آھن ۽ ھو ڪيس تان ھٿ کڻائڻ لاء ڌمڪيون ڏئي رھيا آھن ھنن اختيارين کان گھر ڪئي ته کين تحفظ ڏياريو وڃي

Support The Rise News click here to donate